حیدرآباد10اپریل ( یواین آئی ) پداپلی ضلع میں میں 70 سالہ کسان زرعی کنویں میں غرق ہو گیا۔اس کی شناخت راجیشم کے طورپر کی گئی جو سدھی پلی گاوں کا رہنے والا ہے۔ گاوں میں فصل کی کٹائی سے قبل مندر میں مرغ کی بھینٹ چڑھائی جاتی ہے ۔ راجیشم، جو اپنی دھان کی فصل کاٹنے والا تھا، اس روایت کی تکمیل کے لیے ایک مرغ لے کر مندر پہنچا۔ راجیشم نے مرغ تھیلے سے نکالا تو وہ بھاگ نکلا اور قریب کے زرعی کنویں میں چھلانگ لگا دی۔ مرغ کو بچانے کی کوشش میں راجیشم خود پھسل کر کنویں میں گر کر غرق ہوگیا۔
