میدک : میدک کے نظام پیٹ پر پیش آئے ایک حادثہ میں گھریلو تنازعات کو لے کر ایک 50سالہ شخص مسٹر راجو نے تالاب میں گرکر اپنی جان تلف کرلی ۔ پولیس نظام پیٹ نے نعش کو نکال کر ضابطہ کی کارروائی انجام دی ۔
٭٭ میدک منڈل کے قاضی پلی پر پیش آئے ایک حادثہ میں ایک 30سالہ شخص مسٹر وی ست نارائن اپنے کھیت میں زرعی کام کی انجام دہی کے موقع پر سرویس وائر کی مرمت کا کام انجام دے رہا تھا اچانک برقی رہ آجانے سے برسرموقع فوت ہوگیا ۔ پولیس میدک رورل نے مقدمہ درج کرتے ہوئے ضابطہ کی کارروائی انجام دی ۔
٭٭ ضلع میدک کے منڈل پاپنا پیٹ پر پیش آئے ایک حادثہ میں ایک 40سالہ کسان مسٹر راجو برقی شاک سے فوت ہوگیا ۔ تفصیلات کے مطابق پاپنا پیٹ کا ایک کسان مسٹر شیویا کے دو لڑکے ہیں جس میں ایک نوجوان لڑکا حال ہی میں صحت خراب ہوجانے سے فوت ہوگیا ۔ ایک اور غم یہ ہوا کہ شیویا کا دوسرا لڑکا راجو نے اپنے کھیت میں کام کررہا تھا کہ پانی موٹر میں برقی شاک سے وہ جائے حادثہ پر فوت ہوگیا ۔ پولیس نے مقدمہ درج کر کے ضابطہ کی کارروائی انجام دی ۔
٭٭ میدک ٹاؤن کے گولکنڈہ بستی کا ایک نوجوان مسٹر وجئے کیڑے مار دوا کا استعمال کر کے فوت ہوگیا ۔ تفصیلات کے مطابق مسٹر وجئے ساکن کندوکور منڈل ضلع رنگاریڈی چند سال قبل بحیثیت گھر داماد آکر بلدیہ میدک میں بحیثیت لیبر کام کررہا تھا ۔ چند دن قبل اپنی شریک حیات اور خسرکے ساتھ بحث و تکرار کے بعد دلبرداشتہ ہوکر کیڑے مار دوا کا استعمال کرلیا جو دواخانہ عثمانیہ حیدرآباد میں زیر علاج تھا جو 12جولائی کو فوت ہوگیا ۔ پولیس میدک ٹاؤن نے مقدمہ درج کر کے تحقیقات کا آغاز کردیا ۔
٭٭ میدک کے نواحی منڈل حویلی گھن پور کے راج پیٹ پر پیش آئے ایک حادثہ میں ایک کسان 50سالہ مسٹر بچیا ہلاک ہوگیا ۔ مسٹر بچیا اپنے کھیت میں کام انجام دے رہا تھا کہ پانی کی سربراہی کیلئے موٹر آن کر نے پر پانی نہ آنے سے قریبی ٹرانسفارمر پر برقی سپلائی بند کرنے کے مقصد سے کچھ کام انجام دے رہا تھا کہ اچانک برقی روآجانے سے برسرموقع فوت ہوگیا ۔ پولیس حویلی گھن پور نے نعش کو میدک ایریا ہاسپٹل منتقل کر کے پوسٹ مارٹم کرواکر نعش کو ورثا کے حوالے کردیا ۔
