تعمیری اور معمولی کاموں کو جلد مکمل کرنے ضلع کلکٹر نارائن پیٹ کی ہدایت
نارائن پیٹ ۔28 فبروری ۔ ( سیاست ڈسٹرکٹ نیوز ) نارائن پیٹ ضلع کلکٹر مسٹر کویا سری ہرشا نے روزگار ضمانت کے کاموں پر موثر عمل آوری کی ضرورت پر زور دیا ، ضلع کلکٹر نے دھنواڑہ منڈل کا دورہ کیا اور عہدیداروں کو منڈل مرکز میں نئے تحصیلدار دفتر کے تعمیراتی کاموں کا معائنہ کرنے اور معمولی کاموں کو جلد مکمل کرنے کی ہدایت دی۔ بعدازاں کلکٹر نے کشٹاپور موضع دھنواڑہ منڈل میں نرسری کا معائنہ کیا۔ وہ نرسری میں پودوں کا معائنہ کرنا اور ان کی دیکھ بھال کرنے کی ہدایت کی ،متعلقہ عہدیداروں کو موسم کی مناسبت سے پودوں کا مناسب خیال رکھنا چاہیے کہ گرمیوں میں پودے خشک نہ ہوں اور انہیں ہر روز پانی دیں۔ پلان کے مطابق نرسری پر خصوصی توجہ دی جائے تاکہ موسم برسات کے آغاز تک مزید پودے لگائے جاسکیں۔ روزگار ضمانت کے کاموں کے ایک حصے کے طور پر، کلکٹر نے گاؤں کے قریب خندقوں کا معائنہ کیا۔ نیز ایمپلائمنٹ گارنٹی افسران کو حکم دیا گیا کہ وہ روزگار ضمانت کے کام کا جائزہ لیں اور گرمیوں میں مزدوروں کو روزگار فراہم کرنے کے لیے مناسب اقدامات کریں۔ ہر گاؤں میں 150 مزدور لگائے جائیں۔ بعد ازاں کلکٹر نے منڈل میں گوٹھورو اور کونڈا پور ضلع پریشد ہائی اسکولوں کا معائنہ کیا۔ انہوں نے اساتذہ کی حاضری اور طلباء کی تعلیم کے بارے میں دریافت کیا۔ طلباء سے لنچ مینو کے بارے میں دریافت کیا۔ منتظمین کو مشورہ دیا کہ وہ مینو کے مطابق طلباء کو لنچ فراہم کریں۔ اگر ضروری ہو تو آئندہ ماہ منعقد ہونے والے دسویں جماعت کے امتحانات میں طلبہ کے صد فیصد نتائج کے لیے اقدامات کیے جائیں اور اگر ضرورت ہو تو خصوصی کلاسز کا انعقاد کر کے سو فیصد نتائج کے حصول کی کوشش کی جائے۔ اس پروگرام میں تحصیلدار سندھوجا، ایم پی ڈی او سائی پرساد اور روزگار افسران نے حصہ لیا۔ اس کے علاوہ منگل کی شام ضلع کلکٹر دمرگڈہ نے تحصیلدار دفتر میں متعلقہ عہدیداروں اور عملہ کے ساتھ روزگار کی ضمانت کے کام کا جائزہ لیا اور کام میں تیزی لانے کی ہدایت کی ۔