پنٹگان ۔ 11 جون (سیاست ڈاٹ کام) امریکی جنرل فرانک مکینزی نے کہا ہے کہ افغانستان سے امریکی افواج کے مکمل انخلا کے حوالے سے طالبان نے ابھی تک تمام شرائط کو پورا نہیں کیا ہے۔ امریکہ اور طالبان کے مابین فروری میں دوحہ میں طے پانی والی امن ڈیل کے تحت پینٹگان نے آئندہ مئی تک افغانستان سے امریکی افواج کا انخلا کا عمل مکمل کرنا ہے۔ تاہم اس کے لیے امریکہ نے کچھ شرائط بھی رکھی ہیں۔ یو ایس سینٹرل کمانڈ کے سربراہ جنرل مکینزی نے کہا ہے کہ ابھی تک یقین سے نہیں کہا جا سکتا کہ افغانستان سے امریکہ پر پھر کسی حملے کی منصوبہ بندی نہیں کی جائے گی۔ انہوں نے کہا کہ اس شرط کو یقینی بنانے کے لیے افغانستان کے زمینی حقائق میں تبدیلی لانے کی ضرورت ہے۔
