علیگڑھ: 15دسمبر کو شہریت ترمیمی قانون کیخلاف احتجاج کرنے والے علی گڑھ مسلم یونیورسٹی کے طلبہ پر اترپردیش پولیس نے یونیورسٹی کیمپس میں گھس طلبہ پر بربریت و ظلم کا مظاہرہ کیا تھا۔ پولیس کے اس تشدد میں کئی طلبہ شدید زخمی ہوگئے تھے۔ اس پر علی گڑھ مسلم یونیورسٹی انتظامیہ نے خاطی پولیس عملہ کے خلاف مقدمہ درج کرنے کا فیصلہ کیا ہے۔
یونیورسٹی کے وائس چانسلر طارق منصور نے یہ بات بتائی۔ انہوں نے کہا کہ ان پولیس عہدیدار جنہوں نے یونیورسٹی کے کیمپس میں گھس کر طلبہ پر ظلم کیا ان کے خلاف ایف آئی آر درج کروایا جائے گا۔ پولیس کے اس ظلم میں تقریبا 60 طلبہ شدید زخمی ہوگئے تھے۔