ٹوکیو، 12 اکتوبر (سیاست ڈاٹ کام ) جاپان میں ہگیبیس طوفان کے پیش نظر جاپان فضائی کمپنی نے 1929 بین الاقوامی اور گھریلو پروازیں منسوخ کردیں۔مقامی میڈیا نے سنیچر کے روز بتایا کہ جاپان ایرلائنز کارپوریشن (جے اے ایل) ، آل نپون ایئرویز (اے این اے ) اور پیچ ایوی ایشن نے 262 بین الاقوامی پروازیں منسوخ کیں جبکہ جے اے ایل اور اے این اے نے 1667گھریلو پروازیں رد کی ہیں۔ واضح رہے کہ ھگیبیس طوفان ہفتہ کو گریٹر ٹوکیو سمیت پیسیفک ساحل سے ٹکرا سکتا ہے ۔ جاپان کی راجدھانی ٹوکیو میں فی الحال تیز ہوا کے ساتھ بارش ہو رہی ہے ۔میڈیا کی رپورٹ کے مطابق چیبا اور، کناگوا اور ٹوکیو میں تقریبا 45000 افراد کو طوفان کی وجہ سے بجلی کے بحران کا سامنا کرنا پڑ رہا ہے ۔ مچیدا میں 10000 لوگ بجلی کی کٹوتی سے پریشان ہیں جبکہ کناگوا میں خراب موسم کی وجہ سے 23000 افراد متاثر ہوئے ہیں۔