حیدرآباد ، 28 ستمبر ( یو این آئی) منیلا جانے والے طیارہ نے شہر حیدرآباد کے شمس آباد ایرپورٹ پر ایمرجنسی لینڈنگ کی کیونکہ ایک حاملہ خاتون مسافر کی طیارہ میں ہی زچگی ہوگئی۔اس زچگی کے بعد پائلٹ نے ایرپورٹ کے حکام سے ایمرجنسی لینڈنگ کی اجازت مانگی جس پر یہ اجازت دے دی گئی۔طیارہ کے اترنے کے بعد اس خاتون اور نوزائیدہ بچی کو شہر کے جوبلی ہلز کے اپولو اسپتال منتقل کردیاگیا۔یہ طیارہ دبئی سے منیلا جارہا تھا۔
