ظہیرآباد ۔ حکومت تلنگانہ کی گھر گھر پینے کے پانی سربراہ کرنے والی اسکیم مشن بھگیرتا کے تحت آج میونسپلٹی ظہیرآباد کے وارڈ 14 میں واقع ڈریم انڈیا کالونی میں پائپ لائین بچھانے کے کام کا آغاز عمل میں لایا گیا ۔ اس موقع پر مقامی عوام نے اظہار مسرت کرتے ہوئے ریاستی حکومت رکن اسمبلی ظہیرآباد کے ، مانک راو اور رکن قانون ساز کونسل محمد فریدالدین کا شکریہ ادا کیا۔ اس موقع پر سابق کونسلرز ناما روی کرن ، محمد یونس ، سابق صدر ٹی آر ایس ظہیرآباد ٹاون محمد یعقوب ، نریش ریڈی ، اسرائیل بابی ، محمد ظہیر کے علاوہ کالونی میں عوام موجود تھے ۔
ضمنی انتخابات سے متعلق فہرست رائے دہندگان نوٹس بورڈ پر چسپاں
یلاریڈی ۔ منڈل میں خالی پانچ گرام پنچایتوں کے وارڈ ارکان کی سیٹوں پر بہت جلد ہونے والے ضمنی انتخابات کیلئے متعلقہ علاقوں کے رائے دہندوں کی پہلی فہرست رائے دہندگان جاری کرکے نوٹس بورڈ پر ایم پی ڈی او مسٹر راج ویر نے لگادی ہے ۔ اس موقع پر ایم پی او پرکاش بھی موجود تھے ۔ یلاریڈی منڈل کے علاوہ منڈل ناگی ریڈی میں بھی مختلف پنچایتوں پر بہت جلد ہونے والے ضمنی انتخابات کے پیش نظر پہلی فہرست رائے دہندگان نمائش کیلئے رکھ دی گئی ہے ۔ ایم پی ڈی او رگھو نے مزید بتایا کہ منڈل کے دھرما ریڈی ، ماٹور ، بیجنگ تنڈا گرام پنچایت میں خالی وارڈ مقامات پر ضمنی انتخابات کا انعقاد عمل میں لایا جانے والا ہے ۔ جس پر پولنگ مراکز پر فہرست رائے دہندگان کو لگادیا گیا ہے ۔