نئی دہلی : چیف منسٹردہلی ٰ اروند کجریوال نے ہفتہ کو میڈیا کو بتایا کہ وہ اور دیگر عام آدمی پارٹی قائدین اتوار 19 مئی کودن میں 12بجے بی جے پی ہیڈکوارٹر جائیں گے تاکہ وزیر اعظم جسے چاہیں اسے جیل بھیج سکیں۔ انہوں نے پریس کانفرنس میں دعویٰ کیا کہ بی جے پی کہہ رہی ہے کہ وہ عآپ رکن پارلیمنٹ راگھو چڈھا اور دہلی کے وزراء سوربھ بھاردواج اور آتشی کو بھی جیل بھیجیں گے لیکنکجریوال کا کہنا ہے کہ ان کے لیڈروں کو جیل بھیج کر ان کی پارٹی کو کچلا نہیں جا سکتا۔ وزیر اعظم پر عآپ لیڈران کو جیل بھیجنے کا ’کھیل‘ کھیلنے کا الزام عائد کرتے ہوئے کجریوال نے کہا کہ میں اپنے اراکین اسمبلی اور اراکین پارلیمنٹ کے ساتھ کل دوپہر بی جے پی ہیڈکوارٹر جاؤں گا تاکہ وزیر اعظم جسے چاہیں جیل بھیج سکیں۔ ساتھ ہی انھوں نے یہ بھی کہا کہ عآپ ایک سوچ ہے۔ آپ جتنے عآپ لیڈران کو جیل میں ڈالیں گے، ملک ان سے 100 گنا زیادہ لیڈر پیدا کرے گا۔
