نئی دہلی: عام آدمی پارٹی (عآپ) لیڈر اور دہلی کے سابق وزیر راجندر پال گوتم جمعہ کو کانگریس میں شامل ہو گئے ۔ گوتم نے کانگریس جنرل سکریٹری کے سی وینوگوپال، ترجمان پون کھیڑا اور دہلی کانگریس کے صدر دیویندر یادو کی موجودگی میں کانگریس میں شمولیت اختیار کی۔ وینوگوپال نے پارٹی میں مسٹر گوتم کا خیرمقدم کرتے ہوئے کہا، “یہ ہمارے لئے فخر کا لمحہ ہے کہ مسٹر راجندر پال گوتم نے کانگریس پارٹی میں شمولیت اختیار کی ہے ۔ بھارت جوڑو یاترا اور بھارت جوڑو نیائے یاترا نے ملک کو ایک نئی کہانی دی ہے اور اب ملک بھی اسے پوری قوت سے قبول کر رہا ہے ۔ “مسٹرملیکارجن کھڑگے اور مسٹرراہل گاندھی کی قیادت میں کانگریس کے پروگراموں سے متوجہ ہو کر انہوں نے کانگریس میں شامل ہونے کا فیصلہ کیا ہے ۔کانگریس پارٹی میں شامل ہونے کے بعد، گوتم نے کانگریس صدر ملکارجن کھڑگے اور لوک سبھا میں قائد حزب اختلاف راہل گاندھی کا شکریہ ادا کیا۔
