نئی دہلی: عام آدمی پارٹی (عآپ) نے جمعہ کو دہلی کے سابق نائب وزیر اعلی منیش سیسوڈیا کی ضمانت کو سچائی کی جیت قرار دیتے ہوئے کہا کہ ایک سازش کے تحت انہیں 17 ماہ تک جیل میں رکھا۔عآپ نے ایکس پر لکھاکہ آج سچ کی جیت ہوئی ہے ۔ اس بات میں کوئی صداقت نہیں تھی۔ ہمارے لیڈروں کو زبردستی جیلوں میں رکھا گیا۔ منیش سیسوڈیا کو سازش کے الزام میں 17 ماہ تک جیل میں رکھا گیا تھا۔ کیا بی جے پی اور وزیر اعظم نریندر مودی منیش سیسوڈیا کے ان 17 مہینوں کا حساب دیں گے ؟عآپ نے کہا کہ منیش سیسوڈیا نے یہ 17 مہینے دہلی کے اسکولوں کی تعمیر میں صرف کیے ہوتے لیکن بی جے پی نے انہیں برباد کردیا۔ میں معزز سپریم کورٹ کو نمن کروں گا۔ عدالت کے اس فیصلے سے دہلی کا ہر شہری خوش ہے ۔ اس کے ساتھ مجھے امید ہے کہ وزیر اعلی اروند کجریوال اور ستیندر جین کو بھی جلد انصاف ملے گا اور وہ بھی باہر آئیں گے ۔آپ لیڈر اور راجیہ سبھا ایم پی راگھو چڈھا نے کہا کہ آج پورا ملک دہلی تعلیمی انقلاب کے ہیرو منیش سیسوڈیا کی ضمانت پر خوش ہے ۔ میں سپریم کورٹ کا تہہ دل سے شکریہ ادا کرتا ہوں۔انہوں نے کہا کہ منیش سیسوڈیا کو 530 دن تک سلاخوں کے پیچھے رکھا گیا۔
