29 ستمبر کو ہونے والے امتحانات کیلئے 96 ہزار شرکت فارم کی اجرائی
حیدرآباد ۔ 21 ۔ ستمبر : ( پریس نوٹ ) : انچارج سکشن عابد علی خاں ایجوکیشنل ٹرسٹ کے بموجب شہر حیدرآباد و سکندرآباد کے علاوہ اضلاع و دیگر ریاستوں میں تقریباً ایک لاکھ کتابیں تقسیم کی گئی ۔ اردو زبان کی تعلیم کو عام کرنے جو ادارے رضاکارانہ خدمات انجام دے رہے ہیں وہ عابد علی خاں ایجوکیشنل ٹرسٹ ادارہ سیاست کے زیر اہتمام اردو دانی ، زبان دانی ، انشاء کے امتحانات کی تیاری کے لیے ٹرسٹ کی جانب سے شائع کردہ کتابیں بلا قیمت حاصل کر کے تعلیم دے رہے وہ شرکت فارم کی خانہ پری کر کے جلد از جلد دفتر ٹرسٹ پر داخل کردیں ۔ انگلش میڈیم اسکول چلانے والے ذمہ دار بھی طلبہ کو شریک کریں ۔ اور جہاں فنی تعلیم ٹیلرنگ سنٹر یا مہندی ڈیزائن وغیرہ سکھایا جاتا ہے ۔ ان کے علاوہ عربی پڑھانے والے جزوقتی مدارس میں یہ کتابیں حاصل کر کے فری تعلیم دی جاسکتی ہے اور امتحانات کی بھی کوئی فیس نہیں لی جائے گی ۔ کامیابی پر سند دی جائے گی ۔ ادارہ ادبیات اردو کے اشتراک سے یہ امتحانات مقرر ہوں گے ۔ عابد علی خاں ایجوکیشنل ٹرسٹ کے زیر اہتمام جون 1994 سے تعلیم اور امتحانات سال میں دو مرتبہ منعقد ہوا کرتے تھے ۔ اس سال ایک امتحان مقرر ہوا ۔ سرپرست طلباء وطالبات اردو تعلیم سے روشناس کروائے تاکہ اردو کی سند رہے ۔ آئندہ امتحان 29 ستمبر 2024 کو مقرر ہے ۔ دفتر سیاست سے روزانہ صبح 11 تا 5 بجے دن ملاقات کر کے سنٹر چلانے کے ذمہ دار ٹیچرز اور اساتذہ درخواست دے سکتے ہیں جن کو رضاکارانہ خدمات انجام دینا ہوگا ۔ مزید تفصیلات کے لیے 8367043856 ۔ 040-24744180 Ext.225 پر ربط کریں ۔۔
