حیدرآباد۔محکمہ موسمیات نے کہا ہے کہ تلنگانہ کے اضلاع کومرم بھیم آصف آباد،عادل آباد، نرمل، جگتیال، منچریال ، پداپلی، جئے شنکر بھوپال پلی،کریم نگر،ورنگل اربن،ورنگل رورل، مُلگ،کوتہ گوڑم، محبوب آباد، کھمم،راجنا سرسلہ،نظام آباد، کاما ریڈی، سنگاریڈی، میدک اور وقارآباد میں آئندہ 48گھنٹوں کے دوران بعض مقامات پر گرج وچمک کے ساتھ بارش کا امکان ہے ۔ محکمہ نے بتایا کہ تلنگانہ میں 12 تا 14 اپریل گرج وچمک کے ساتھ ہوائیں چلیں گی۔آئندہ پانچ دنوں میں ریاست میں بعض مقامات پر ہلکی تااوسط یا پھر گرج وچمک کے ساتھ بارش کا امکان ہے ۔گذشتہ 24گھنٹوں میں بعض مقامات پر بارش ہوئی۔اعظم ترین درجہ حرارت 39.8ڈگری عادل آباد میں درج کیاگیا ۔
