رانچی: جھارکھنڈ میں ای ڈی کا سمن ملنے کے بعد وزیر عالمگیر عالم کے پی ایس سنجیو لال کی بیوی ریتا لال آج یہاں ای ڈی کے علاقائی دفتر پہنچیں۔ ذرائع نے بتایا کہ ای ڈی حکام نے ان سے پوچھ گچھ شروع کر دی ہے اور رقم کی وصولی کے معاملے میں ریتا لال کو سمن جاری کر کے پوچھ گچھ کے لیے بلایا گیا ہے ۔ ریتا لال نے اپنا منہ اسکارف سے ڈھانپ لیا اور اپنے وکیل کے ساتھ ای ڈی آفس پہنچی، جہاں ضروری کاغذی کارروائی مکمل ہونے کے بعد ریتا لال سے پوچھ گچھ شروع کر دی گئی ہے ۔ سنجیو لال اور ریتا لال سے آمنے سامنے بیٹھ کر پوچھ گچھ کی جا رہی ہے ، قابل ذکر ہے کہ 6 مئی کو چھاپے کے دوران ای ڈی نے وزیر عالمگیر عالم کے پی ایس سنجیو لال اور ان کے معاون جہانگیر عالم سے 35.23 کروڑ روپے برآمد کیے تھے ۔ ای ڈی نے اس معاملے میں سنجیو لال اور جہانگیر کو گرفتار کرلیا تھا۔
