اقوام متحدہ ۔ 28 مئی(سیاست ڈاٹ کام) نئے اعداد وشمار کے مطابق کورونا وائرس کے بحران کے باعث عالمی سطح پر مزید 86 ملین بچے غربت کا شکار ہو سکتے ہیں۔ اقوام متحدہ کے ادارہ برائے اطفال (یونیسیف) اور غیر سرکاری تنظیم سیو دا چلڈرن کی ایک رپورٹ کے مطابق اس طرح دنیا بھر میں غربت میں زندگی گزارنے والے بچوں کی موجودہ تعداد میں پندرہ فیصد تک اضافہ ہو جائے گا۔ رپورٹ کے مطابق کورونا کی وبا نے ایک بہت بڑے اور بیمثال معاشرتی اور اقتصادی بحران کو جنم دیا ہے، جس نے بہت سے خاندانوں سے ان کی روزی چھین لی ہے۔
