ماسکو، 11 اپریل ( سیات ڈاٹ کام) دنیا کی 20 اہم معیشتوں کی تنظیم G-20 نے عالمی وبا کورونا وائرس کے مسلسل بڑھتے کیسز کے درمیان تیل اورتوانائی کی مارکیٹ کے استحکام کو یقینی بنانے کیلئے ضروری اقدامات اٹھائے جانے کے حوالہ سے اپنے عزم کا اظہار کیا ہے ۔ G-20 گروپ کے توانائی کے وزراء کی جانب سے ہفتہ کو ایک مشترکہ بیان جاری کرکے یہ اطلاع دی گئی۔مشترکہ بیان کے مطابق G-20 ممالک کے توانائی وزراء نے کورونا وائرس کے عالمی چیلنج کے درمیان بین الاقوامی تیل اور توانائی کی مارکیٹ کے استحکام کو یقینی بنانے کے لئے ضروری اقدامات اٹھائے جانے کے عزائم کا اظہار کیا ۔ کورونا کی وجہ سے دنیا بھر میں خام تیل کی طلب اور رسد میں غیر معمولی کمی آئی ہے جس سے توانائی کی مارکیٹ میں کافی نشیب و فرازدیکھے جا رہے ہیں۔اس کی وجہ سے بہت سے ممالک کی معیشت بری طرح متاثر ہو رہی ہے ۔ لاکھوں کے روزگار پر خطرہ منڈلا رہا ہے ۔اس کے علاوہ G-20 نے دنیا بھر میں کورونا وائرس کو روکنے کیلئے کئے جا رہے اقدامات کی نگرانی کرنے کیلئے ایک گروپ کی تشکیل پر رضامندی ظاہر کی ہے ۔
