میلبورن ۔ سال کے پہلے گرانڈ سلام میں میلبورن میں اعلیٰ ترین معیارکے شاندار خواتین کے فائنل میں میڈیسن کیز نے عالمی نمبر ایک اسٹار کھلاڑی آرینا سبالینکا کو شکست دینیکے لیے اپنی زندگی کا سب سے بڑا میچ کھیلا اور اپنا پہلا گرینڈ سلام خطاب 6-3، 2-6، 7-5 کے ایک مشکل اسکور سے جیتا۔ 29 سال کی عمر میں انہوں نے یہ کارنامہ انجام دیا۔ کیز کی اعلیٰ ترین، طویل انتظارکی فتح نے انہیں کھلے دور میں چوتھی سب سے معمر پہلی بار خواتین کی گرانڈ سلام چمپئن بننے کا اعزاز بخشا ہے۔ انہوں نے اپنے46 ویں گرانڈ سلام میں یہ کامیابی حاصل کی ہے، جو اوپن دور میں پہلی بار چمپیئن کے لیے دوسری سب سے زیادہ تعداد ہے ۔کیز پہلی کھلاڑی ہیں جنہوں نے2009 کا فرنچ اوپن جیتنے کے بعد سے ایک گرانڈ سلام میں دونوں سرفہرست دوکھلاڑیوں کو شکست دی۔ امریکی ریاست الینوائے میں پیدا ہونے والی باصلاحیت اس ٹینس کھلاڑی نے اپنے کرئیر کی سب سے بڑی کامیابی حاصل کی ہے۔
