انٹورپ (بلجیم) ۔ 20 ۔ اکتوبر (سیاست ڈاٹ کام) یوروپین اوپن کے فائنل میچ میں عالمی نمبر ایک ٹینس کھلاڑی انڈی مرے نے تقریباً ڈھائی سال کے وقفہ کے بعد فائنل میں رسائی حاصل کرلی ۔ مرے اپنی ران کی سرجری جو جنوری میں ہوئی تھی ، صحت مند ہوکر فرانس کے یوگو ہسم برٹ کو 3-6 ، 3-2 ، 7-5 سے شکست دے کر یوروپین اوپن فائنل میں رسائی حاصل کرلی ۔ جیت کے بعد امیزون پرائم کو انٹرویو دیتے ہوئے انہوں نے کہا کہ ان کیلئے یہ ایک حیران کن جیت ہے اور وہ بہت خوش ہیں کہ ان کو فائنل میں رسائی حاصل ہوئی ہے اور یہاں تک پہن چنے کے لئے بہت ہی طویل سڑک کو عبور کرنا پڑتا ہے ۔ 32 سالہ برطانوی کھلاڑی مرے کا مقابلہ اتوار کو تین وقت گرانڈ سلام رہ چکے، اسٹان واؤرینکا کے ساتھ ہوگا ۔ مرے آخری میچ 2017 ء میں دبئی میں منعقدہ فائنل میں پہنچ گئے تھے جوان کا 45 واں ٹائٹل میچ تھا۔
