نیویارک : عالمی نمبر ایک سربیا کے نوواک جوکویچ اور روس کے نمبر دو ٹینس کھلاڑی ڈینیل میدویدیف اتوار کو یہاں یو ایس اوپن کے فائنل میں آمنے سامنے ہوں گے۔ ٹاپ سیڈڈ جوکویچ یہاں جمعہ کی شب مینز سنگلز سیمی فائنل مقابلے میں عالمی نمبر تین ٹینس کھلاڑی جرمنی کے الیگزینڈر زویریو، جبکہ سیکنڈ سیڈ یافتہ میدویدیف عالمی نمبر 15 کناڈ کے فیلکس آگر الیاسمے کو شکست دے کر سال کے آخری گرانڈ سلام میں یو ایس اوپن کے فائنل میں پہنچے ہیں۔ جوکووچ اتوار کو فائنل مقابلے میں میدویدیف کے خلاف جیت سے نئی تاریخ رقم کریں گے ۔ یہ جیت انہیں ایک سیزن میں چار گرانڈ سلام ٹائٹل جیتنے والا بنا دے گی، جوایسا کارنامہ ہوگا جو مینزٹینس میں نصف صدی سے زیادہ عرصے تک کسی نے حاصل نہیں کیا۔ قابل ذکر ہے کہ آسٹریلیائی ٹینس کھلاڑی راڈ لیور نے 1969 کے سیزن میں چاروں گرانڈ سلام ٹائٹل جیتے تھے۔ جوکووچ نے جہاں اپنے حریف الیگزینڈر زویریو کو پانچ سٹوں کے میچ میں 4-6، 6-2، 6-4، 4-6، 6-2 سے شکست دی، وہیں میدویدیف نے فیلکس آوگر الیاسمے کو 6-4، 7-5، 6-2 سے ۔ پہلے سٹ میں زویریو سے پیچھے رہنے کے بعد جوکووچ نے شاندار واپسی کی اوراگلے دو سیٹ اپنے نام کیے ۔ تیسرے سٹ میں 5-4 کے اسکور پر جوکویچ نے 53 گیندوں کی ریلی کھیلی اور آخر میں ایک پوائنٹ حاصل کرکے زویریو کو 6-4 سے ہرایا۔ یہاں سے جوکویچ کو فائنل میں پہنچنے کے لیے صرف ایک سٹ جیتنا ضروری تھا، لیکن زویریو نے چوتھے سٹ میں انہیں 6-4 سے ہرا کر سب کو حیران کردیا، حالانکہ 6-2 سے آخری سٹ پرقبضہ کرکے جوکویچ فائنل میں پہنچے ۔
