جرمنی ۔ یکم مئی ( سیاست ڈاٹ کام ) کورونا وائرس کی روک تھام کے لیے متعدد ممالک میں نافذ لاک ڈاؤن کی وجہ سے یکم مئی کے روز مزدوروں کے عالمی دن پر منعقد ہونے والی ریلیاں بھی شدید متاثر ہو رہی ہیں۔ بعض یورپی ممالک میں مزدوروں کی تنظیمیں احتیاطی تدابیر کے پیش نظر آن لائن تقریبات کا اہتمام کر رہی ہیں۔ فرانس میں لاک ڈاون کی وجہ سے مزدوروں کے حقوق کے لیے سرگرم کارکنان سوشل میڈیا نیٹ ورکس پر یا پھر اپنے اپنے گھر کی بالکونیوں سے اس دن کو منائیں گے۔
