ممبئی ۔ بالی ووڈ کی معروف اداکارہ عالیہ بھٹ نے اپنے خوابوں کے ساتھی اداکار کے بارے میں انکشاف کیا ہے۔عالیہ بھٹ سے ایک حالیہ انٹرویو میں سوال کیا گیا کہ ایسا کونسا اداکار ہے جس کے ساتھ کام کرنا ان کا خواب ہے۔اْنہوں نے کہا کہ میں شاہ رخ خان کے ساتھ پہلے کام کر چکی ہوں لیکن میں ان کے ساتھ ایک اور فلم کرنا چاہتی ہوں۔عالیہ بھٹ نے یہ بھی کہا کہ اس لیے میں ابھی یہ کہوں گی کہ شاہ رخ خان ہی میرے خوابوں کے ساتھی اداکا‘ ہیں۔ یاد رہے کہ عالیہ بھٹ نے 2016ء میں گوری شندے کی فلم ’ڈیئر زندگی‘ میں شاہ رخ خان کے ساتھ کام کیا تھا اور یہ فلم باکس آفس پرناکام رہی تھی۔اس فلم کی کہانی میں محبت، زندگی، رشتوں اور ذہنی صحت پر روشنی ڈالی گئی ہے۔شاہ رخ خان ہمیشہ سے ہی عالیہ بھٹ کے پسندیدہ اداکار رہے ہیں اور وہ اپنے کئی انٹرویوز میں اداکار کی تعریف کر چکی ہیں۔عالیہ بھٹ کے مطابق شاہ رخ خان ایک انتہائی پیشہ ور فنکار ہیں جو دوسرے اداکاروں کی بھی حوصلہ افزائی کرتے ہیں تاکہ وہ اپنے فن کو بہتر انداز میں دنیا کے سامنے پیش کر سکیں۔
