پانی کی فراہمی کو یقینی بنائے گی:ستیندر جین
نئی دہلی : دہلی کے وزیر صحت ستیندر جین نے اتوار کو کہا کہ عام آدمی پارٹی (اے اے پی) حکومت قومی دارالحکومت میں اگلے ساڑھے تین برسوں میں چوبیس گھنٹے پانی فراہم کرنے کے ساتھ ہی جمنا ندی کو صاف کردے گی۔یہاں تیراپانت پروفیشنل فورم کے ایک پروگرام سے خطاب کرتے ہوئے مسٹر جین نے بتایا کہ اروند کیجریوال حکومت گزشتہ انتخابات میں عام آدمی پارٹی کے وعدوں کے مطابق قومی دارالحکومت میں بجلی کی طرح 24 گھنٹے پانی کی فراہمی کا انتظام کرے گی۔ انہوں نے کہا کہ دریائے جمنا کی صفائی کا کام بھی آئندہ ساڑھے تین سال میں مکمل ہو جائے گا۔ انہوں نے بتایاکہ دہلی اسمبلی کے گزشتہ انتخابات سے بعد سے ڈیڑھ برسوں تک کورونا وائرس انفیکشن کی وجہ اور لاک ڈاؤن وغیرہ میں نکل گئے ہیں تاکہ عام آدمی پارٹی کے وعدوں کے مطابق اگلے اسمبلی انتخابات سے پہلے ان کاموں کو پورا کیا جاسکے ۔انہوں نے کہا کہ دریائے جمنا کو صاف کرنے کے علاوہ اس میں گرنے والے نالے نالیوں کو بھی صاف کیا جائے گا۔
