نئی دہلی:سپریم کورٹ نے 15 سال پرانے معاملے میں سماج وادی پارٹی کے رہنما اعظم خان کے بیٹے محمد عبداللہ اعظم کی سزا پر روک لگانے کے الٰہ آباد ہائی کورٹ کے فیصلے کے خلاف دائر اپیل پر پیر کو سماعت کی۔ عبداللہ اعظم کو سزا سنائے جانے کی وجہ سے ایم ایل اے کے عہدے کے لیے نااہل قرار دیا گیا ہے۔ جسٹس اجے رستوگی اور جسٹس بیلا ایم ترویدی کی بنچ نے عبداللہ اعظم کی اپیل پر اتر پردیش حکومت کو نوٹس جاری کیا اور اس سے جواب طلب کیا۔عدالت عظمیٰ نے یہ بھی واضح کیا کہ 10 مئی کو سوار اسمبلی سیٹ پر ہونے والے انتخابات، جو عبداللہ اعظم کی نااہلی کے بعد خالی ہوئی تھی۔ درخواست کے نتائج کے مطابق ہوگی۔ کیس کی اگلی سماعت کے لیے جولائی کا دوسرا ہفتہ طے کرتے ہوئے بنچ نے کہا کہ ‘جواب داخل ہونے دیں۔ 10 مئی کو ہونے والے انتخابات اس خصوصی اجازت کی درخواست کے نتائج پر مبنی ہوں گے۔