نئی دہلی: افغانستان میں اعلیٰ قومی مصالحتی کونسل کے چیئرمین ڈاکٹر عبداللہ عبداللہ نے جمعرات کو وزیر اعظم نریندر مودی سے ملاقات کی۔ وزارت خارجہ کے ترجمان انوراگ شریواستو نے یہاں کہا کہ اجلاس میں دونوں قائدین نے ہند۔افغان تعلقات کو مزید گہرا کرنے کیلئے طویل مدتی عزم کا اعادہ کیا۔ڈاکٹر عبداللہ گزشتہ روز دوپہر کو یہاں پہنچے تھے ۔ دورے کے پہلے دن انہوں نے ہندوستان کے قومی سلامتی کے مشیر (این ایس اے ) اجیت ڈوول سے ملاقات کی تھی جس میں انہوں نے دوحہ میں افغان حکومت اور طالبان کے مابین امن مذاکرات کے ہندوستانی سکیورٹی کے منظرنامے پر تبادلہ خیال کیا تھا اور بعد ازاں انہوں نے اس مذاکرات کو معنٰیخیز اور کارآمد قرار دیا تھا۔ ڈوول نے بھی افغانستان میں امن، ترقی اور استحکام کی بحالی کی خاطر سنجیدہ جدوجہد کو ہندوستان کی حمایت کی یقین دہانی کی ۔ افغانستان کے افسران کے مطابق ان کے ملک کے اس مؤثر قائد کے دورہ، دوحہ میں جاری افغان امن عمل کے تئیں علاقائی اتفاق رائے اور خصوصی طور پر ہندوستان کی حمایت حاصل کرنے کی کوششوں کے تحت ہو رہا ہے ۔ افغان ڈاکٹر عبداللہ ، وزیر خارجہ ایس جئے شنکر سے بھی ملاقات کریں گے ۔
