حیدرآباد۔ چار ماہ کی تنخواہیں فوری ادا کرنے کامطالبہ کرتے ہوئے شہر حیدرآباد کے مشہور عثمانیہ ہاسپٹل کے کنٹریکٹ آوٹ سورسنگ ملازمین نے ہاسپٹل کے احاطہ میں بدھ کو دھرنا دیا۔انہوں نے مطالبہ کیاکہ حکومت ردعمل ظاہر کرتے ہوئے ان کی تنخواہوں میں اضافہ کرے ۔انہوں نے اس موقع پر میڈیا سے بات کرتے ہوئے کہاکہ کورونا کی وبا کی صورتحال کے دوران بھی وہ اپنی جانوں کو خطرہ میں ڈال کرخدمات انجام دے رہے ہیں۔ اس کے باوجود ان کی تنخواہیں ادانہیں کی جارہی ہیں۔انہوں نے کہاکہ کام کے بوجھ کے باوجود وہ ذمہ داری کے ساتھ فرائض انجام دے رہے ہیں۔انہوں نے برہمی ظاہر کرتے ہوئے حکومت پر الزام لگایا کہ وہ ان کی زندگیوں کے ساتھ کھلواڑ کررہی ہے
