حیدرآباد ۔ 23 ۔ جون : ( پریس نوٹ) : پروفیسر محمد شریف الدین ڈائرکٹر سی ای ڈی ایم کے بموجب محکمہ اقلیتی بہبود ، حکومت تلنگانہ کے زیر سرپرستی مرکز تعلیمی ترقی برائے اقلیتی طبقات ، جامعہ عثمانیہ کے زیر اہتمام MCJ (OU) 2023 میں شرکت کرنے والے اقلیتی امیدوار یعنی مسلم ، عیسائی ، سکھ ، بدھسٹ ، پارسی اور جین طبقات سے تعلق رکھنے والوں کے لیے سنٹر کی جانب سے 27-6-23 تا 8-7-23 حیدرآباد میں مفت کوچنگ دی جائے گی ۔ ایسے اقلیتی امیدوار جو MCJ-OU-2023 کے لیے رجسٹریشن کراچکے ہوں حکومت کی طرف سے فراہم کردہ مفت کوچنگ سے استفادہ کے لیے اپنی درخواست دو پاسپورٹ سائز فوٹو ، ایم سی جے آن لائن فارم کی زیراکس کاپی ، کے ساتھ یکم جولائی تک داخل کرسکتے ہیں ۔۔
