بغداد : عراق کے بابل میں سیکورٹی فورسز اور منشیات کے بیوپاری کے درمیان مسلح جھڑپوں میں 18 افراد اپنی جانوں سے ہاتھ دھو بیٹھے۔ادھر عراقی میڈیا نے بتایا کہ ’’دہشت گردی‘‘ کے مقدمات کے ایک ملزم نے اپنے خاندان کے متعدد افراد کو قتل کر کے خود کشی کر لی۔ مرنے والوں میں 12 بچے شامل ہیں۔میڈیا رپورٹ کے مطابق 2گھنٹے سے زیادہ جاری رہنے والی جھڑپیں بابل صوبے کے شمالی ضلع الجبلہ میں ہوئیں۔ذرائع نے بتایا ہے کہ جھڑپوں کے نتیجے میں سیکورٹی فورسز کے دو اہل کار زخمی ہو گئے۔ مزید برآں مطلوب گھرانے کے 18 افراد ہلاک ہو گئے جن میں 12 بچے ہیں۔واضح رہے کہ سیکورٹی فورسز کے ساتھ جھڑپوں کے بعد مطلوب شخص نے خود ہی بچوں اور اپنے خاندان کے افراد کو موت کے گھاٹ اتار دیا۔بابل پولیس نے مطلوب ملزمان کو حراست میں لے لیا ۔
