بغداد : عراقی وزارت خارجہ نے کہا ہے کہ امریکہ کی زیر قیادت اتحادی مشن کا عراق سے جانے کی تاریخ کا اعلان مؤخر کر دیا گیا ہے، تاہم اس کی وجہ بیان نہیں کی گئی۔ وزارت خارجہ نے بتایا کہ دونوں ممالک کے حکام پر مشتمل ہائر ملٹری کمیشن نے فوجی مقامات سے مشیروں کو واپس بلانے کی تفصیلات پر تبادلہ خیال کیا۔ بیان میں کہا گیا کہ عراق میں اتحاد کی موجودگی ختم کرنے کے معاہدہ تک پہنچنے سے قبل صرف اعلان کی تاریخ پر اتفاق، نقل و حمل کے پہلوؤں اور دیگر تفصیلات پر اتفاق باقی رہ گیا۔ وزارت خارجہ کے ایک عہدیدار نے کہا ہے کہ انخلا کی تاریخ کا اعلان آیندہ ماہ کے اوائل میں متوقع ہے۔
