بغداد : عراق میں امریکی فوجی اڈے پر حملہ کیے جانے کی اطلاع ملی ہے۔امریکی محکمہ دفاع (پینٹاگون) کی نائب ترجمان سبرینا سنگھ نے صبح ہونے والے اس حملے کے بارے میں بیان جاری کیا ہے۔بیان میں کہا گیا ہے کہ ایرانی حمایت یافتہ گروہوں نے عراق میں عین الاسد فوجی اڈے پرمختصر فاصلے تک مار کرنے والے بیلسٹک میزائلوں سے حملہ کیا ہے۔اطلاع کے مطابق اس حملے میں چند افراد معمولی زخمی ہوئے ہیں اور بنیادی ڈھانچے کو معمولی نقصان پہنچا ہے۔واضح رہے کہ واقعہ کے بعد امریکی فوج نے ایرانی حمایت یافتہ گروپوں کو AC-130 مسلح طیاروں سے جوابی کاروائی کی ہے۔اطلاع کے مطابق 17 اکتوبر سے اب تک امریکی افواج پر کل 66 حملے کیے گئے جن میں سے 32 عراق اور 34 شام میں ہوئے ہیں۔
