ریاض ۔12 جون(سیاست ڈاٹ کام) عرب ممالک میں کورونا سے متاثرین افراد کی تعداد تین لاکھ سے متجاوز ہوچکی ہے اورگزشتہ چوبیس گھنٹے کے دوران خلیجی ممالک میں نئے کورونا وائرس کے 7831 نئے معاملات کی تصدیق ہونے کے بعد کووڈ19 سے متاثرین کی جملہ تعداد 3لاکھ تین ہزار131 ہوگئی۔ وائرس سے 198831 صحتیاب اور 1614 ہلاک ہوگئے۔ متاثرین میں سے 2259 کی حالت نازک ہے۔تفصیلات کے مطابق متحدہ عرب امارات میں 479 نئے معاملے رپورٹ ہوئے۔ سعودی خبررساں ادارے ایس پی اے کے مطابق عراق میں1261 نئے معاملے رپورٹ ہوئے،31 ہلاک ہوگئے۔ ہلاک ہونے والوں کی جملہ تعداد 457 ہوچکی ہے۔ عراق میں کورونا سے متاثرین کی جملہ تعداد 16675 ہے۔ جبکہ شفایاب کی تعداد 6568 ہوگئی ہے۔ مراکش کی وزارت صحت نے 29 نئے معاملات کا اعلان کیا ہے۔ یہاں متاثرین کی جملہ تعداد 853 ہوگئی۔ وائرس سے 211 مر چکے ہیں ،18 شفا یاب ہوئے ہیںاور صحت پانے والوں کی جملہ تعداد 7583 ہوگئی۔ اردنی وزارت صحت نے 27 نئے معاملات کا اعتراف کرتے ہوئے کہا ہے کہ اس کے یہاں متاثرین کی کل تعداد 890 ہوچکی ہے۔ 8 شفا یاب ہوئے ہیں جس سے صحت پانے والوں کی جملہ تعداد 842 ہوچکی ہے۔لبنان نے 11 نئے معاملات کا اعلان کرکے کہا کہ جملہ تعداد 1402 ہوگئی۔843 صحت یاب ہوچکے ہیں۔