دوحہ / قاہرہ : عرب ممالک نے غزہ پٹی کا انتظام سنبھالنے کی اسرائیلی تجویز مسترد کردی۔عرب میڈیا کے مطابق اسرائیل نے مصر اور قطر سمیت عرب ممالک کو غزہ پرکنٹرول میں شرکت کی تجویز دی تھی۔عرب میڈیا کا کہنا ہیکہ اسرائیل اور حماس کے درمیان ثالثی کا کردارادا کرنے والے ممالک نے امریکہ کو اگاہ کیا ہیکہ جنگ بندی کے بغیر غزہ میں اسرائیل کا کوئی کردار قبول نہیں کریں گے۔دوسری جانب اسرائیلی کابینہ نے رفح حملے میں توسیع کی منظوری دے دی ہے جس کے بعد اسرائیلی ٹینکوں نے رفح کو جنوب سے گھیرے میں لے لیا اور مشرقی حصے کے بعد وسطی رفح سے بھی فلسطینیوں کو نکلنے حکم دے دیا۔اقوام متحدہ کے مطابق اب تک ڈیڑھ لاکھ بے گھر فلسطینی رفح سے بھی بے دخل ہو چکے ہیں۔اسرائیلی فوج کی رہائشی علاقوں پر بمباری جاری ہے، مزید8 بچوں سمیت 30 سے زائد فلسطینی شہید ہوگئے۔حماس نے رفح میں اسرائیلی آپریشن اورفلسطینیوں کے خلاف انسانیت سوز جرائم کا مکمل ذمہ دار بائیڈن انتظامیہ کو قرار دیا ہے۔
