نظام آبادمیںکیرئیرگائیڈنس پروگرام ‘ایم اے عزیز‘عبدالرب عارف ودیگرکا خطاب
نظام آباد :20؍ جولائی ( سیاست ڈسٹرکٹ نیوز) عصری علوم سے واقفیت موجودہ دور کی اہم ضرورت ہے مسابقتی دور میں تعلیم کی اہمیت و افادیت مسلمہ حیثیت رکھتی ہے ۔ان خیالات کا اظہار ایم اے عزیز ریاستی صدر موومنٹ فار پیس اینڈ جسٹس نے فیضان ایجوکیشن سوسائٹی کے زیر اہتمام منعقدہ کیرئیر گائیڈینس پروگرام میں طلباء سے مخاطب کرتے ہوئے کیا۔تعلیم کے حصول کا مقصد روزگار یا ملازمت سے مربوط ہونا نہیں بلکہ اخلاقیات اور صلاحیتوں کو سنوارنا بھی ہے ۔ ممتاز احمد پرنسپل گولڈن جوبلی کالج نے اس موقع پر طلباء کو مشورہ دیا کہ حالات کیسے بھی ہوں اپنی تعلیم کا سلسلہ ترک نہ کریں۔پیشہ ورانہ کورسس کا انتخاب کرتے ہوئے اپنے مستقبل کو تابناک بنائیں۔اخلاق حسنہ،وقت کی پابندی،صحیح تعلیمی منصوبہ بندی کے ذریعے ہم اپنے والدین اور ملک و ملت کا نام روشن کر سکتے ہیں،رامندر کور مودی پرنسپل نشیٹا انٹرنیشنل اسکول نے مسابقتی امتحانات میں پیش آنے والے مسائل پر تفصیلی روشنی ڈالی ۔ نعیم قمر ممتاز صحافی نے اپنے خطاب میں کہا کہ طلباء کے مستقبل کو تابناک بنانے میں والدیں کا سب سے اہم رول ہوتاہے۔نوجوانوںکے راتوں کے جاگنے کو لیکر والدین کو فکرمند ہونے اور سدِباب تلاش کرنے کی ضرورت ہے۔ عبدالرب عارف میڈیکل کونسلنگ ماہر نے نیٹ کامیاب طلباء کے لئے کونسلنگ طریقے کار پر تفصیلی رہنمائی کی۔وجے اندور ڈائرکٹر ویدا ایجوکیشن نے مختلف میڈیکل کورسس سے متعلق معلومات دی۔اس اہم تقریب میں عرشی اقبال پرنسپل تمریز بوائز،غضنفر علی چیئرمین GVat گروپ نے بھی مخاطب کیا۔اس موقع پر عتیق احمد، اشفاق احمد، شیخ مشیر بابا انتظامیہ عائشہ،زنیرہ، اسٹیڈر، وجے،گولڈن جوبلی تعلیمی اِداریجات نے شرکت کرتے ہوئے ڈاکٹر سمیع امان اور عبدالرب عارف کو انکی پچیس سالہ تعلیمی و ملّی خدمات کو سراہتے ہوئے انکی تہنیت پیش کی اور اپنی نیک توقعات کا اظہار کیا۔ڈاکٹر سمیع امان نے تمام مہمانان کی فیضان ایجوکیشن سوسائٹی کی جانب سے تہنیت پیش کی۔اس پروگرم کا آغاز فیض خان کی تلاوت کلام پاک سے ہوا۔آخر میں ڈاکٹر سمیع امان نے تمام شرکاء بالخصوص جناب عبدلرفیق کنگ پیلیس انتظامیہ کا شکریہ ادا کیا۔