تل ابیب،13 نومبر (اسپوتنک) غزہ پٹی میں اسرائیلی سیکورٹی فورسز کی کارروائی میں ہلاک فلسطینی اسلامی جہاد (پي آئی جے ) گروپ کمانڈر بہا ابو العطاء آنے والے دنوں میں بڑے حملے کی سازش رچ رہا تھا۔ اسرائیلی ڈیفنس فورسز (آئی ڈی ایف) کے ترجمان جوناتھن کونرکس نے بتایا کہ عطاء ملک میں جلد ہی بڑا حملہ کرنے کی تیاری کر رہا تھا۔ انہوں نے بتایا کہ اس کی ہلاکت کے بعد فلسطین کی سر حد پر اچانک تشدد تیز ہو گئی اور فلسطین نے غزہ پٹی سے راکٹ بھی داغے ۔ اسرائیل نے جوابی کارروائی کرتے ہوئے پي آئی جے کے ٹھکانوں پر‘پر متحمل’ حملے کئے ۔ ترجمان نے بتایا کہ پی آئی جے کمانڈر کو منگل کی صبح چار بجے ہلاک کیا گیا۔ اس نے پہلے بھی کئی حملے کئے تھے اور آنے والے دنوں میں دوسرا حملہ کرنے کی سازش رچ رہا تھا۔ انہوں نے بتایا کہ عطاء کو دہشت گردانہ حملوں کا کافی تجربہ تھا اور وہ مختلف قسم کے ہتھیاروں اور تکنیک کا استعمال کرکے حملے کرتا تھا۔