عثمان : خلیجی ریاست عمان نے رمضان کے پورے مقدس مہینے میں تمام تجارتی سرگرمیوں اور لوگوں کی نقل و حرکت پر رات کے اوقات میں پابندی عائد کردی ہے۔عرب نیوز کے مطابق رواں سال رمضان المبارک کے دوران مساجد میں افطاری کے انتظامات سمیت عوامی مقامات پر افطاری کروانا اور مختلف قسم کے خیمے لگا کر اجتماع بھی ممنوع قرار دیئے گئے ہیں۔اسی طرح نقل و حرکت پر پابندی رات 9 بجے سے شروع ہو کر صبح 4 بجے تک رہے گی۔عمان میں کورونا وائرس سے متعلق تمام معاملات سے نمٹنے کے لئے بنائی گئی سپریم کمیٹی نے رمضان کے پورے مقدس مہینے میں تمام سماجی اور ثقافتی سرگرمیوں، کھیلوں اور کسی بھی طرح کی گروپ سرگرمیوں پر بھی پابندی عائد کردی ہے۔
