مسقط:عمان میں ٹیکسی ایپس شہریوں کو مکمل محفوظ نقل و حمل کی سہولت فراہم کرتی ہیں، اس سلسلے میں حکومت کی جانب سے 8آن ڈیمانڈ ٹیکسی ایپس کا اعلان کیا گیا ہے۔عرب میڈیاکی رپورٹ کے مطابق عمان کی وزارت ٹرانسپورٹ، مواصلات اور انفارمیشن ٹیکنالوجی نے لائسنس یافتہ آن ڈیمانڈ ٹیکسیوں کے لیے آٹھ درخواستوں کی منظوری دی ہے۔قوانین کے مطابق جب کوئی ایپ وزارت کے قواعد و ضوابط پر پورا اترتی ہے، تو وہ فوری آرڈرز یا ایڈوانس بکنگ پر اپنی سروس کا آغاز کرسکتی ہیں،عمان حکومت نے یہ اقدام مملکت میں ٹیکسی سروس کی سرگرمیوں کو منظم کرنے اور عوام کو سہولیات فراہم کرنے کے پیش نظر اٹھایا ہے۔رپورٹ کے مطابق کئی ٹیکسی سروسز کے لیے لائسنسوں کی توثیق کی جا رہی ہے جس میںاوٹیکسی، تسلیم ، اوبر، مرحبہ، ٹی ایم ڈون، ہالاٹیکسی، تنویل اور سیدتی (خواتین کے لیے)شامل ہیں،مذکورہ آن ڈیمانڈ ٹیکسی اسمارٹ ایپس اپنے کسٹمرز کو ٹرپ کے آغاز سے پہلے طے شدہ قیمتوں پر ٹیکسی ٹور کی ٹریکنگ اور نگرانی فراہم کرتی ہیں۔دوران سروس صارف کی ذاتی اور خفیہ معلومات اور تحفظ کو مکمل رازداری کے ساتھ یقینی بنایا جاتا ہے۔
