مسقط ۔سلطنت عمان کی جانب سے 103 ممالک کے لئے مشروط طور پر مفت داخلہ سیاحتی ویزا پروگرام شروع کیا جارہا ہے۔مقامی میڈیا نے عمانی پولیس کے حوالے سے کہا ہے کہ مشروط ویزے کے لئے سیاح کو دس دن کے قیام کی اجازت ہوگی۔عمانی حکومت کے ٹوئٹرپراس حوالے سے کہا گیا ہے کہ عمان آنے والے سیاحوں کو پیشگی ہوٹل بکنگ اور واپسی کی کنفرم بکنگ پیش کرنا ہوگی۔دیگر شرائط کے حوالے سے کہا گیا ہے کہ قانون کے مطابق سیاحوں کو میڈیکل انشورنس بھی حاصل کرنا ہو گا ، سیاحتی پروگرام کا تمام انتظام ٹورآپریٹرزکریں گے۔واضح رہے گزشتہ ہفتے عمانی حکام کی جانب سے کہا گیا تھا کہ کورونا وائرس کے باعث ملک میں سیاحت متاثر ہوئی ہے اس حوالے سے ہوٹل بزنس شدید متاثر ہوا۔یاد رہے خلیجی ممالک نے کورونا کی وبا کے دوران مکمل طور پربین الاقوامی پروازوں پر پابندی عائد کر دی تھی جس میں اکتوبر 2020 کو مرحلہ وار نرمی کرتے ہوئے پہلے مرحلے میں خلیجی شہریوں اور مخصوص اقامہ ہولڈرز کو آنے کی اجازت دی گئی تھی۔اس ضمن میں میڈیا نے کہا ہے کہ کورونا وائرس کے باعث دنیا بھر میں سیاحت ہی نہیں مختلف تجارتی و صنعتی شعبے شدید متاثر ہوئے ہیں۔ دریں اثنا اسکائی نیوز کے مطابق جن ممالک کے لئے مشروط ویزا فری انٹری کی سہولت فراہم کی گئی ہے ان میں یورپی یونین دوسری فہرست میں جنوبی امریکہ کے ممالک جن میں برازیل، چلی، ارجنٹینا، کولمبیا، وینزویلا، اکواڈور وغیرہ شامل ہیں۔
