اسلام آباد۔ 14ڈسمبر ۔(سیاست ڈاٹ کام) پاکستانی وزیراعظم عمران خان دونوں برادر اسلامی ممالک پاکستان اور سعودی عرب کے تعلقات مضبوط بنانے کیلئے ایک روزہ دورے پر ریاض روانہ ہوگئے۔ریڈیو پاکستان کی رپورٹ کے مطابق وزیراعظم سعودی قیادت سے ملاقات کے دوران ’’دوطرفہ تعلقات اور خطے کی صورتحال میں حالیہ تبدیلیوں سے متعلق امور پر تبادلہ خیال کریں گے‘‘۔اس ضمن میں دفترخارجہ کے ترجمان ڈاکٹر محمد فیصل نے کہا کہ وزیراعظم کا یہ دورہ دونوں ممالک کے درمیان تعاون اور وفود کے تبادلوں کا حصہ ہے، جس کے دوران وزیراعظم روضہ رسولؐ پر بھی حاضری دیں گے۔قبل ازیں عرب ذرائع کا کہنا تھا کہ عمران خان کا حالیہ دورہ، ملائیشیا میں 18 سے 20 دسمبر تک منعقد ہونے والے کوالالمپور سربراہی اجلاس میں شرکت کے فیصلے پر سعودی عرب کے ناراض ہونے کے اشاروں کے بعد تشکیل دیا گیا تھا۔