اسلام آباد: عوامی مسلم لیگ کے سربراہ و سابق وزیر داخلہ شیخ رشید نے کہا کہ سابق وزیر اعظم عمران خان کو گرفتار کیا گیا تو ملک سری لنکا بن جائے گا۔ انھوں نے کہا کہ حکومت نہ ادھر کی رہی نہ ہی اُدھر کی، عمران خان ہیرو بن گیا، یہ زیرو ہوگئے۔پریس کانفرنس کے دوران شیخ رشید نے کہا کہ یہ فیل ہوگئے ہیں، حکومت سے کوئی چیز نہیں سنبھل رہی، یہ اب نواز شریف کو بلائیں۔انہوں نے کہا کہ نیشنل سیکیورٹی کونسل کی میٹنگ بلائیں نگران وزیراعظم کا انتخاب کریں، 31 مئی تک نگراں حکومت بنالیں، ستمبر تک الیکشن ہوجانے چاہئیں۔سابق وزیر داخلہ نے مزید کہا کہ عمران خان کو گرفتار کیا گیا تو ملک سری لنکا بن جائے گا، گرفتاریاں ہوئیں تو پی ٹی آئی نے حکمت عملی بنالی ہے۔شیخ رشید کا کہنا تھاکہ عمران خان ہیرو بن گیا۔
