لاہور، 31اکتوبر (یو این آئی) پنجاب حکومت نے 9مئی کے 11مقدمات کے ٹرائل کا نیا نوٹیفکیشن جاری کر دیا۔ وزارت داخلہ پنجاب کی جانب سے جاری اعلامیہ کے مطابق 9مئی کے 11مقدمات کا ٹرائل اب انسداد دہشت گردی عدالت میں ہوگا اور بانی پی ٹی آئی کو ویڈیو لنک کے ذریعہ پیش کیا جائے گا۔ نوٹیفکیشن کے مطابق 9مئی کے 11مقدمات کی سماعت آئندہ اے ٹی سی عدالت میں ہو گی، ویڈیو لنک اور سکیورٹی انتظامات سے متعلق ہدایات بھی جاری کردی گئی ہیں۔ جی ایچ کیو حملہ کیس کی سماعت 5 نومبر کو انسداد دہشت گردی کی خصوصی عدالت میں ہوگی جس میں بانی پی ٹی آئی کو ویڈیو لنک کے ذریعہ اڈیالہ جیل سے کمرہ عدالت میں پیش کیا جائے گا۔
