نارائن پیٹ میں عہدیداروں کو چیف منسٹر دفتر سکریٹری کی ہدایت
نارائن پیٹ 25/اگست ( سیاست ڈسٹرکٹ نیوز)چیف منسٹر کے دفتر کے سکریٹری مسٹر مانیک راج (آئی اے ایس) نے کہا کہ عہدیداروں کو عوامی مسائل کو حل کرنے کے لئے تال میل سے کام کرنا چاہئے۔ نارائن پیٹ کے ضلع کلکٹر سکتھا پٹنائک، وقار آباد کے کلکٹر پرتیک جین، نارائن پیٹ، وقارآباد، ایس پیز اور ایڈیشنل کلکٹرس نے کوڑنگل میں کڈا دفتر میں شکایات کا جائزہ لیا۔ اس موقع پر انہوں نے عہدیداروں سے سوال کیا کہ اب تک کتنی شکایات موصول ہوئی ہیں۔ چارٹ کے مطابق جواب دینے کے لیے وقت کے مطابق کام کرنے کا مشورہ دیا جاتا ہے۔ محکمہ بجلی میں زیر التواء درخواستوں کو فوری حل کیا جائے، ہر درخواست پر انصاف کرنے کا حکم دیا۔ پولس ڈپارٹمنٹ کے بارے میں نارائن پیٹ کے ایس پی مسٹر یوگیش گوتم نے کہا کہ ضلع میں دیوانی مقدمات ہیں اور انہیں حل کیا جائے گا۔ اس میٹنگ میں اسسٹنٹ کلکٹر نارائن پیٹ گریما نرولا، اسسٹنٹ کلکٹر اوما ہراٹھی، ایڈیشنل کلکٹرس سدھیر، لنگایا نائک، وقارآباد ایس پی کے نارائنا ریڈی، کڈا اسپیشل آفیسر وینکٹ ریڈی، نارائن پیٹ کے ضلعی عہدیداروں اور دیگر نے شرکت کی۔
