چنڈی گرھ۔ ہریانہ کے وزیراعلی منوہر لال کھٹر نے ریاست کی عوام سے کورونا کے زمانے میں 21 جون کو چھٹے بین الاقوامی یوگا ڈے کے موقع پر اپنے گھروں میں رہ کر اپنے اہل خانہ کے ساتھ یوگا کرنے کی اپیل کی۔ کھٹر نے مسٹر کرشن آیوش یونیورسٹی کورکشیتر اور ہریانہ یوگا کونسل کے اشتراک سے منعقد ‘یوگا فار ورلڈ ہیلتھ’ پر بین الاقوامی یوگ ویبینار سے اپنے خطاب میں یہ اپیل کی۔ انہوں نے کہا کہ یوگا ڈے ایسے وقت پر ہورہا ہے جب ہندوستان سمیت پوری دنیا کورونا کی وبا میں مبتلا ہے ۔ ایسے میں یہ یقینی بنانا اہم ہے کہ کورونا کے پھیلنے کو روکنے کے سبھی طریقہ کار کو اپنایا جائے ۔
