دبئی،9 جون (اے پی)۔ عید الاضحی کی تعطیلات کے بعد پیرکو دبئی کی مارکیٹوں کے کھلنے پر سونے کی قیمتوں میں استحکام دیکھنے میں آیا، جبکہ قیمتیں اب بھی فی گرام 400 درہم کی سطح سے نیچے برقرار ہیں۔ پیرکی صبح 24 قیراط سونا 399 درہم فی گرام میں فروخت ہو رہا تھا، جو گزشتہ ہفتے کے اختتام سے معمولی سا زیادہ ہے۔ دیگر اقسام کی قیمتیں درج ذیل تھیں:22 قیراط: 369.50 درہم۔21 قیراط: 354.50 درہم۔18 قیراط: 303.75 درہم فی گرام۔عالمی سطح پر سونے کی صورتحال: اسپاٹ گولڈ کی قیمت $3,309.97 فی اونس پر مستحکم رہی، جس کی حمایت امریکہ اور چین کے درمیان ممکنہ تجارتی معاہدے کی امید سے ملی۔ جمعہ کے روز امریکہ میں مضبوط روزگار کے اعدادوشمار نے امریکی فیڈرل ریزرو کی شرح سود میں ممکنہ کمی کے امکانات پر سوالیہ نشان لگا دیا، جس کے نتیجے میں سونا ایک فیصد سے زائد گرگیا۔ جوزف دہریہ، ٹک مل میں منیجنگ پرنسپل نے کہا کہ فیڈ کے محتاط مالیاتی مؤقف کے پیش نظر سونے پر دباؤ آ سکتا ہے: اگرچہ مارکیٹیں رواں سال شرح سود میں کمی کی امید رکھتی ہیں، مگر پالیسی سازوں کی جانب سے فوری اقدام کی کمی سونے کی قیمتوں میں اضافے کو محدود کر سکتی ہے۔
لِن ٹران کے مارکیٹ اینالسٹ، نے روس۔ یوکرین جنگ کی تازہ صورتحال پر تبصرہ کرتے ہوئے کہایوکرین نے حال ہی میں آپریشن اسپائیڈر ویب کے تحت روسی ایرپورٹس پر بڑی ڈرون کارروائی کی ہے، جس میں 100 سے زائد ڈرون حملے کیے گئے۔ اس سے خطے میں کشیدگی مزید بڑھ گئی ہے۔
