سنگاریڈی میں راشن کارڈس ‘امدادی چیکس کی تقسیم ‘ریاستی وزیرصحت کا خطاب ‘نئے ہاسپٹل کے قیام کا تیقن
سنگاریڈی 4 ستمبر (سیاست ڈسٹرکٹ نیوز ) عوامی حکومت غریبوں کی فلاح و بہبود کے لئے کام کر رہی ہے۔ ان خیالات کا اظہار دامودر راج نرسمہا وزیر صحت نے سنگاریڈی میں منعقدہ نئے راشن کارڈس، شادی مبارک اور کلیانہ لکشمی چیکس تقسیم پروگرام سے خطاب کرتے ہوئے کیا۔ اس پروگرام میں ضلع کلکٹر پی پروینیا، رکن پارلیمان ظہیراباد سریش شیٹکر، رکن پارلیمان میدک رگھونندن راؤ، رکن اسمبلی سنگاریڈی چنتا پربھاکر، رکن اسمبلی نارائن کھیڑ سنجیوا ریڈی، TGIIC چیرمین نرملا جگاریڈی مہمان خصوصی کے طور پر موجود تھے۔ ریاستی وزیر نے کہا کہ ضلع میں 39,000 لوگوں کو نئے راشن کارڈ تقسیم کئے جا چکے ہیں۔ اور حکومت نے ہر اہل خاندان کو نیا راشن کارڈ فراہم کرنے کے لئے اقدامات کیے ہیں۔ وزیر صحت نے اعلان کیا کہ ضلع میں طبی خدمات کو بہتر بنانے کے لیے سنگاریڈی میں ایک میڈیکل کالج کا قیام اور 500 بستروں کے ایک نئے ہاسپٹل کا سنگ بنیاد رکھنے جیسے ترقیاتی کام شروع کیے جائیں گے۔ انہوں نے کہا کہ غریبوں کے لئے اندراماں مکانات کے الاٹمنٹ میں بھی جلد تیزی لائی جائے گی شادی مبارک اور کلیانہ لکشمی اسکیم کے تحت ریاستی وزیر کے ذریعہ حلقہ اسمبلی سنگاریڈی کے 213 مستحقین کو شادی مبارک اور کلیانہ لکشمی چیکس حوالے کئے گئے۔ سنگاریڈی منڈل میں 15 استفادہ کنندگان، سداسیو پیٹ منڈل میں 75، کونڈا پور میں 17 اور کنڈی منڈل میں 6 استفادہ کندگان کو کلیانہ لکشمی چیکس تقسیم کئے گئے۔ شادی مبارک اسکیم کے ایک حصے کے طور پر، وزیر نے چیکس حوالے کئے۔ حلقے میں 1 کروڑ 23 لاکھ 14 ہزار 27 7 سے 123 مستحقین۔ سنگاریڈی منڈل میں 46 ، سداشیوا پیٹ منڈل میں 64، کونڈا پور میں 9 اور کنڈی منڈل میں 4 استفادہ کندگان میں شادی مبارک کے چیکس تقسیم کئے گئے۔ضلع کلکٹر نے کہا کہ ضلع میں 38526 نئے راشن کارڈ کو منظوری دی گئی ہے، جبکہ 68883 استفادہ کندگان کو پرانے راشن کارڈوں میں شامل کیا گیا ہے۔ کلکٹر نے کہا کہ ستمبر کے مہینے کے لیے 8735.964 میٹرک ٹن باریک چاول 4 لاکھ 10 ہزار 652 راشن کارڈوں کو سستے داموں دکانوں کے ذریعے تقسیم کرنے کے لیے تمام اقدامات کیے گئے ہیں۔ بعد ازاں وزیر صحت نے سنگاریڈی چوراہے پر نصب آٹومیٹک سگنل سسٹم کا افتتاح کیا۔ اس موقع پر متعلقہ محکموں کے عہدیدار، عوامی نمائندوں اور عوام نے شرکت کی۔