تل ابیب : 12 اکٹوبر ( ایجنسیز ) غزہ جنگ بندی کے پہلے مریکے میں امریکہ کے 200 فوجی اسرائیل پہنچ گئے۔امریکی میڈیا کے مطابق اسرائیل پہنچنے والے امریکی فوجی غزہ میں داخل ہوئے بغیر وہاں موجود مصر، قطر اور ترکیہ کے فوجیوں کے ساتھ تعاون کریں گے۔اسرائیلی فوج غزہ امن معاہدہ کے مطابق مقررہ حدود تک واپس آگئی ہے، اسرائیلی فوج کی مقررہ حدود میں واپسی کا جائزہ لینے کے لیے امریکی نمائندہ خصوصی اسٹیو وٹکوف نے غزہ کا دورہ کیا اور کہا اسرائیلی فوج کے انخلا کا پہلا مرحلہ مکمل ہو چکا ہے۔امریکی سینٹ کام کے سربراہ ایڈمرل بریڈ کوپر نے غزہ کے دورے کے بعد اپنے بیان میں کہا کہ غزہ کے دورہ کا مقصد یہ جاننا تھا کہ سینٹ کام کی زیر قیادت سول ملٹری کوآرڈی نیشن سینٹر کیسے بنایا جائے، غزہ میں امریکی فوجی تعینات نہیں ہوں گے۔
