غزہ سٹی، 6جون (یو این آئی) اسرائیلی فوج نے غزہ میں پناہ گزین کیمپوں اور الاہلی اسپتال پر بمباری کرتے ہوئے درجنوں فلسطینیوں کو شہید کردیا۔ اسرائیلی بمباری میں کم از کم 50 فلسطینیوں کو شہید کردیا۔اس کے علاوہ اسرائیل نے لبنان میں حزب اللہ کے ٹھکانوں پر بھی حملے کیے ، جس کے نتیجے میں کئی عمارتیں تباہ اور جانی نقصان کا خدشہ بھی پیدا ہوگیا۔ دوسری جانب حماس رہنما خلیل الحیا کا کہنا ہے کہ حماس نے امریکی نمائندے اسٹیو وٹکوف کی تجاویز رد نہیں کی تھیں،کچھ تبدیلیوں کا مطالبہ کیا تھا۔ انہوں نے مزید بتایا کہ حماس جنگ بندی مذاکرات کے نئے دور میں شامل ہونے کے لیے تیار ہے ۔
