غزہ : غزہ میں اسرائیلی بمباری سے گزشتہ 24 گھنٹوں میںمزید 23 فلسطینی شہید ہوگئے ۔ صبح سے رات تک اسرائیلی فوج نے غزہ سٹی، نصیرات اور بیت لاہیہ کے علاقوں کو نشانہ بنایا، مغربی کنارے میں بھی 2 فلسطینیوں کو شہید کردیا گیا۔ غزہ میں اسرائیلی سفاکیت کا نشانہ بن کر شہید ہونے والوں کی مجموعی تعداد 43 ہزار 508 ہوگئی ۔اقوام متحدہ انسانی حقوق کے مطابق غزہ میں شہید ہونے والوں میں 70 فیصد خواتین اور بچے شامل ہیں۔ اسرائیلی فوج کے لبنان پر حملوں سے 52 شہری شہید ہوئے ۔ اسرائیل نے لبنان سے داغے گئے ڈرون گرانے کا بھی دعویٰ کیا ۔ اسرائیلی فوج کی نباتیہ اور طائر میں بمباری سے طبی عملے کے رکن سمیت 3 شہری شہید ہوگئے ۔
