غزہ ، 26 دسمبر (سیاست ڈاٹ کام) اسرائیلی فضائیہ نے فلسطین کے علاقے سے راکٹ داغے جانے کا بدلہ لیتے ہوئے غزہ پٹی میں حماس کے کئی ٹھکانوں پر حملے کئے ہیں۔اسرائیل ڈیفنس فورسز (آئی ڈی ایف) نے جمعرات کو اطلاع دی کہ چہارشنبہ کو غزہ پٹی سے داغے گئے راکٹ کو آئرن ڈوم میزائل ڈیفنس سسٹم کے ذریعے مار گرایا گیا۔آئی ڈی ایف نے ٹوئٹر پر لکھا‘‘غزہ کی پٹی سے راکٹ داغے جانے کے رد عمل میں اسرائیلی فضائیہ نے غزہ میں حماس موومنٹ کے کئی ٹھکانوں پر حملے کئے ہیں’’۔فلسطینی تنظیم حماس کا غزہ پٹی پر کنٹرول ہے اور اس کا طویل عرصہ سے اسرائیل کے ساتھ جدوجہد جاری ہے ۔ اسرائیل ایک ملک کے طور پر فلسطین کو تسلیم کرنے سے انکار کرتا آیا ہے اور وہ غزہ پٹی سے ہونے والے کسی بھی حملے کے لئے حماس کو ذمہ دار مانتا ہے ۔
