نیویارک : اقوام متحدہ کے سیکریٹری جنرل انٹونیو گوٹیرس نے کہا ہے کہ خواتین کے عالمی دن پر غزہ میں خواتین کو ترجیحی بنیادوں پر تحفظ فراہم کیا جائے۔ اپنے ایک بیان میں انہوں نے کہا کہ8 مارچ خواتین کی کامیابیوں کے اعتراف، مساوات اور مستقبل کیلئے کام کرنے کی یاد دہانی کا دن بھی ہے۔ دوسری جانب شیخ ڈاکٹر عبدالرحمٰن السدیس نے کہا ہے کہ اسلام نے خواتین کو بلند و باعزت مقام دیا ہے۔
معاشرہ کی ترقی اور تعمیر میں خواتین کا اہم کردار ہے، سعودی عرب نے خواتین کو اہم عہدوں پر تعینات کیا۔ انہوں نے کہا کہ خواتین کو قائدانہ فرائض سونپے گئے جنہیں انہوں نے بخوبی نبھایا، مملکت میں خواتین کے حقوق کا تحفظ کیا جاتا ہے۔ شیخ ڈاکٹر عبدالرحمٰن السدیس کا کہنا ہے کہ شاہ سلمان بن عبدالعزیز اور ولی عہد کے دور میں خواتین کو بااختیار بنایا گیا ہے۔
