انقرہ : ترکیہ کے صدر رجب طیب اردغان نے کہا کہ اسرائیلی وزیر اعظم نیتن یاہو اور غزہ میں نسل کشی میں حصہ لینے والوں کے خون کے ہر قطرے کا حساب لیا جائے گا۔اردغان نے ترکیہ گرینڈ نیشنل اسمبلی میں اک پارٹی کے پارلیمانی گروپ سے خطاب کیا۔غزہ میں اسرائیل کی 7 ماہ سے جاری نسل کشی پر ایک بار پھر رد عمل ظاہر کرتے ہوئے صدر اردغان نے کہا، “نتن یاہو اور اس نسل کشی میں ملوث لوگوں کو بہائے گئے خون کے ہر قطرے کا جوابدہ ٹھہرایا جائے گا۔ یہ مت سوچیں کہ اسرائیل غزہ میں رک جائے گا۔ اگر اس وحشیانہ ریاست کو نہ روکا گیا تو یہ دہشت گرد ریاست، جلد یا بدیر اناطولیہ پر اپنی نظریں جمائے گی۔اردغان نے کہا کہ ہم اپنی سرزمین کی آزادی کے لیے لڑنے والی اور اناطولیہ کا دفاع کرنے والی فلسطینی مزاحمتی تحریک حماس کے ساتھ کھڑے رہیں گے۔اسرائیلی فریق کے کالے پروپیگنڈے پر ردعمل کا مظاہرہ کرتے ہوئے ایردوان نے کہا کہ حقیقت یہ ہے کہ صہیونی قاتل اور ان کے پیادوں کی ہم پر تنقید کوئی خوف یا شرمندگی کی بات نہیں، بلکہ یہ ایک اعزازی تمغہ ہے جسے ہم اپنے سینے پر فخر سے سجائیں گے۔
