غزہ : فلسطینی مزاحمتی تنظیم حماس کے ترجمان کا کہنا ہے کہ غزہ میں مجاہدین اور ہماری تحریک ثابت قدم ہے۔حماس ترجمان خالد قدومی نے میڈیا سے گفتگو میں کہا کہ ہمارا دشمن سفارتکاری کو نہیں مانتا، ہم اس وقت حالت جنگ میں ہیں۔خالد قدومی نے کہا کہ ہم صبر کرتے رہے اور اسرائیل کو جواب نہ دیا تو اس کی جرات اور بڑھے گی۔ان کا کہنا تھا کہ ایک ہفتہ کے دوران غزہ میں ایک ہزار سے زائد فلسطینی شہید ہوئے۔ خطہ کی کشیدہ صورتحال کے حل کیلئے عالمی برادری کوکردار ادا کرناہوگا۔حماس ترجمان کا کہنا تھا کہ امریکہ اسرائیل کے ساتھ مل کر خطہ کے حالات کو خراب کرنے میں مصروف ہے۔ اسرائیل کو جواب دینا ہمارا فرض ہے۔خالد قدومی نے کہا کہ فلسطین کی آزادی تک ہماری جدوجہد جاری رہے گی۔ تقریباً ایک سال سے اسرائیل اور حماس میں جنگ جاری ہے۔
